Во Република Македонија сè уште е на сила правилникот за категоризација на хотели, базиран на критериумите за категоризација на хотели од страна на HOTREC (европската асоцијација која ги претставува интересите на угостителскиот сектор, вклучително и хотелите, рестораните и кафулињата) од 2015-2020 година. Ова значи дека нашата регулатива за категоризација на хотели е два циклуси зад последните промени. Во меѓувреме, HOTREC објави нов сет критериуми за периодот 2020-2025 година, а неодамна и најнови критериуми за периодот 2025-2030 година кои стапуваат на сила од 1 јануари 2025 година. Ова поставува прашање дали Македонија ќе го ажурира правилникот за категоризација за да ги прифати овие нови промени, и ако не, како тоа ќе влијае на нашата туристичка индустрија во наредните години?
